کندهار کې ۱۸۰ کورنیو ته د شلومبو جوړولو ماشینونه ووېشل شول

mail-admin
چهارشنبه ۱۴۰۵/۷/۲۹ - ۱۵:۵۵
کندهار کې ۱۸۰ کورنیو ته د شلومبو جوړولو ماشینونه ووېشل شول

۲۹ تله ۱۴۰۵ هـ.ش
۹ جُمَادَى الأول ۱۴۴۸ هـ.ق
د کندهار د کرنې، اوبولګولو او مالدارۍ ریاست تر رهبرۍ لاندې، د اروپایي ټولنې په مالي ملاتړ، د هالنډ کمېټې په تخنیکي همکارۍ او د یاد ریاست د مالدارۍ آمریت تر څارنې لاندې، د کندهار ښار او درېیو ولسوالیو پر ۱۸۰ کورنیو د شلومبو جوړولو ماشینونه ووېشل شول.
په کندهار کې د هالنډ کمېټې مسوول ډاکټر امین‌الله کریمي وویل، چې د دغو مرستو په لړ کې د کندهار ښار ۴۰، د ژړۍ ولسوالی ۶۰، د ارغنداب ولسوالی ۴۰ او د ډنډ ولسوالی ۴۰ کورنۍ شاملې وې، چې هرې کورنۍ ته د شلومبو جوړولو او شاربولو لپاره یو ماشین ورکړل شو.
د نوموړي په وینا، د دغو ماشینونو د وېش موخه د لبنیاتو د پروسس لپاره د عصري ماشینونو معرفي کول، په معیاري او صحي ډول د شلومبو تولید، د ګروپي عامه پوهاوي پروګرامونو ترسره کول او د مالدارۍ سکتور وده او پراختیا ده.
ډاکټر کریمي زیاته کړه، چې د دغو ماشینونو په کارولو سره به ګټه اخیستونکې کورنۍ وکولای شي د شیدو د پروسس چارې په اسانه او معیاري توګه ترسره کړي او د لبنیاتو د تولید او کیفیت په ښه والي کې اغېزمن ګامونه واخلي.
د یادونې وړ ده، چې تر دې وړاندې هم د هالنډ کمېټې له لوري په کندهار ولایت کې لسګونو بېوزلو کورنیو ته وزې وېشل شوې دي. همدارنګه، د تازه شیدو د تولید او د لبنیاتو د پروسس د پراختیا په موخه اړین وسایل وېشل شوي او د څارویو د ناروغیو د مخنیوي لپاره لسګونو زرو څارویو ته وقایوي واکسینونه تطبیق شوي دي.
مالداري د کندهار ولایت د کلیوالي اقتصاد له مهمو برخو څخه شمېرل کېږي، چې ګڼ شمېر کورنۍ د څارویو د ساتنې، د شیدو او لبنیاتو د تولید او پلور له لارې خپلې اقتصادي اړتیاوې پوره کوي. په دې برخه کې د عصري وسایلو برابرول، د مالدارانو د ظرفیت لوړول او د لبنیاتو د پروسس معیاري کول کولای شي د کورنیو د اقتصادي پیاوړتیا، د لبنیاتو د ضایعاتو د کمښت او د کورنیو تولیداتو د ودې لپاره اغېزمن تمام شي.
تمه کېږي، چې د دغو مرستو له لارې به د ګټه اخیستونکو کورنیو د لبنیاتو د پروسس وړتیا لوړه، د شلومبو د تولید کیفیت ښه او د مالدارۍ د سکتور د ودې ترڅنګ به د کلیوالي کورنیو د عایداتي سرچینو د پیاوړتیا لپاره لا ډېر فرصتونه برابر شي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت