ننګرهار کې د نږدې ٥٠٠ زره افغانیو په ارزښت د سبو او مېوو وچولو وسایل او میرابانو ته بایسکلونه ووېشل شول

mail-admin
شنبه ۱۴۰۵/۷/۱۱ - ۸:۴۴
ننګرهار کې د نږدې ٥٠٠ زره افغانیو په ارزښت د سبو او مېوو وچولو وسایل او میرابانو ته بایسکلونه ووېشل شول

د ننګرهار ولایت په رودات، کوټ او هسکې مېنې ولسوالیو کې د سبو او مېوو د وچولو ماشینونه او اړوند وسایل، او همدارنګه د اوبو د ښه مدیریت په موخه میرابانو ته بایسکلونه ووېشل شول.
د ننګرهار د کرنې، اوبو لګولو او مالدارۍ ریاست چارواکي وایي، چې یادې مرستط د ډاکار (DCAAR) مؤسسې په تخنیکي همکارۍ او د ډانیډا (DANIDA) په مالي ملاتړ، د ۴۸۴ زره افغانیو په ارزښت وېشل شوي.
د ننګرهار د کرنې، اوبو لګولو او مالدارۍ رییس مولوي عبدالستار محمد وویل، د دغو وسایلو د وېش موخه د سبو او مېوو د پروسس او ساتنې په برخه کې د بزګرانو او کوچنیو کاروباریانو د ظرفیت لوړول دي.
نوموړي زیاته کړه، د یادو ولسوالیو ۱۶ تنو میرابانو ته هم د اوبو د ښه مدیریت، د کروندګرو د اوبو ستونزو د حل، د اوبو لګولو د تأسیساتو د څارنې او ساتنې په موخه بایسکلونه ووېشل شول.
د کوچنیو کاروباریانو د ظرفیت لوړولو په موخه به هغوی ته د سبو او مېوو د وچولو، اچار، مربا او رب جوړولو په برخو کې په بېلابېلو پړاوونو کې مسلکي او عملي روزنې هم ورکړل شي.
د کرنې ریاست په وینا، د یادو وسایلو وېش به د سبو او مېوو د ضایعاتو په کمولو، د کرنیزو حاصلاتو د ارزښت په لوړولو، د کوچنیو کاروبارونو په پیاوړتیا او سیمه‌ییزو خلکو ته د کار او عاید د فرصتونو په برابرولو کې مرسته وکړي. همدارنګه، میرابانو ته د بایسکلونو وېش به د اوبو د مدیریت او د اوبو لګولو د تأسیساتو د ساتنې په چارو کې د هغوی د فعالیتونو د اسانتیا لامل شي.
د کرنیزو محصولاتو د ضایعاتو کمول، د حاصلاتو ارزښت لوړول او د اوبو د مدیریت د بهیر پیاوړتیا د ننګرهار د کرنې ریاست د روانو فعالیتونو له مهمو برخو څخه دي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت