د ننګرهار شینوارو کې د حیواني او نباتي درملتونونو څارنه وشوه

mail-admin
پنجشنبه ۱۴۰۵/۷/۲ - ۹:۷
د ننګرهار شینوارو کې د حیواني او نباتي درملتونونو څارنه وشوه

۲ تله ۱۴۰۵ هـ.ش 
۱۱ رَبِیعُ الْثاني ۱۴۴۸ هـ.ق
د ننګرهار د کرنې، اوبولګولو او مالدارۍ ریاست تر چتر لاندې، د شینوارو ولسوالی د کرنیزو او مالدارۍ خدمتونو مدیریت ګډ پلاوي د غني خېلو، پله‌سره او مارکو بازار کې یو شمېر حیواني او نباتي درملتونونه وڅارل.
دغه څارنه بزګرانو او مالدارانو ته د معیاري، مسلکي او باکیفیته خدمتونو د وړاندې کولو او د بې‌کیفیته او تاریخ‌تېرو درملو د پلور د مخنیوي په موخه ترسره شوه.
د څارنې پر مهال د درملتونونو جوازونه، د حفظ‌الصحې وضعیت، د درملو کیفیت او نېټې، د کرنیزو او حیواني درملو د جلا ساتلو څرنګوالی او د اړوندو اصولو مراعات وکتل شول. یو شمېر تاریخ‌تېر درمل هم راټول او له درمل پلورونکو سره د قوانینو د رعایت په اړه لازمې سپارښتنې وشوې.
همدارنګه هغو درملتونونو ته چې جوازونه یې پای ته رسېدلي یا یې جوازونه نه درلودل، لارښوونه وشوه چې خپل جوازونه نوي یا ترلاسه کړي او له غیرقانوني فعالیت څخه ډډه وکړي.
درمل پلورونکو ته ټینګار وشو چې له غیرمعیاري درملتونونو، د غیرمسلکي کسانو له ګمارنې، د بې‌کیفیته درملو له پلور او واردولو څخه په کلکه ډډه وکړي.
د ننګرهار کرنې ریاست د دوامدارو څارنو له لارې هڅه کوي، څو د کرنې او مالدارۍ په برخه کې د درملو د کیفیت معیارونه خوندي او بزګرانو او مالدارانو ته د باور وړ او معیاري خدمتونه وړاندې شي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت