د کرنې وزارت د پلان او پروګرامونو د همغږۍ لوی رییس د سياراېس نړيوالې مؤسسې له چاراکو سره وکتل
۱۱ کب ۱۴۰۴ه.ش
۱۳ رَمَضانُ المُبارَک ۱۴۴۷ه.ق
د کرنې، اوبو لګولو او مالدارۍ وزارت د پلان او پروګرامونو د همغږۍ لوی رییس مولوي عبدالغفور په مشرۍ، د سياراېس نړيوالې مؤسسې د پروګرامونو له رییس او په افغانستان کې د یادې ادارې د کرنې او مارکېټ برخې له کارپوهانو سره د همغږۍ او تخنیکي ناسته د کرنې وزارت په مقر کې ترسره شوه.
په دې لیدنه کې د کرنې وزارت د پلان لوی رییس د یادې مؤسسې له هڅو او فعالیتونو څخه مننه وکړه او د هېواد د کرنې سکتور د پراختیا په موخه یې د ګډو همکاریو پر دوام ټینګار وکړ.
همداراز په یاده ناسته کې د کرنې، اوبو لګولو او مالدارۍ وزارت له لومړیتوبونو سره سم د کرنې په سکتور کې د ارزښت ځنځیر پر پیاوړتیا بحث وشو، څو د تولیداتو د ښه والي او اقتصادي ودې لپاره زمینه برابره شي.
د ناستې په پای کې د دواړو لورو ترمنځ د تخنیکي همکاریو پر دوام او د همغږۍ پر لا پیاوړتیا ټینګار وشو.
