دکندز چهاردرې ولسوالی پر یوشمېر بې وزلو کورنیو د شېدو غواوې ووېشل شوې
۱۶ مرغومې ۱۴۰۴ه.ش
۱۶ رَجَب المُرَجَّب ۱۴۴۷ه.ق
د کندز دکرنې، اوبولګولو او مالدارۍ ریاست د بې وزلو کورنیو د ملاتړ او د هغوی د معیشتي وضعیت د ښهوالي په موخه، ددې ولایت د چهاردرې ولسوالی کې، د آغاخان دفتر په همکارۍ د شېدو ورکوونکې یوې غوا سره د هغې یو خوسی، څلورو بېوزلو کورنیو ته ووېشل شول.
د یادونې وړ ده، چې تر دې وړاندې هم د همدې دفتر له خوا، د چهاردرې ولسوالی په بېلابېلو کلیو کې څلورو بېوزلو کورنیو ته یوه وزه د هغې له دوو کوچنیو بچیو سره وېشل شوې وه، چې دا اقدام د کورنیو د اقتصاد د پیاوړتیا او د دوامدار عاید د سرچینې د رامنځته کولو په موخه ترسره شوی و.
د یادولو وړ ده، چې دا ډول پروګرامونه د فقر په کمولو، د اړتیا لرونکو کورنیو د معیشت په ښهوالي او د مالدارۍ سکتور په پراختیا کې اغېزمن تمامېږي او دا ډول مرستې به په راتلونکي کې هم دوام ولري.
