د کرنې، اوبولګولو او مالدارۍ وزارت د نويو رییسانو پېژندنه

د کرنې، اوبولګولو او مالدارۍ وزارت د وړاندیز او د اسلامي امارت د ریاست‌الوزراء د منظوري پر بنسټ، محمد اکبر امیني چې مخکې د یاد وزارت د اداري رییس په توګه دنده ترسره کوله، د خصوصي سکتور د پراختیا رییس وټاکل شو، او مفتي عبدالغفور بخاري، چې پخوا د خصوصي سکتور د پراختیا رییس و، د کرنې وزارت د اداري رییس په توګه وګمارل شو.
د کرنې وزارت د یو شمېر رییسانو او کارمندانو په شتون کې د یوې رسمي غونډې په ترڅ کې، نوي رییسان اړوندو کارکوونکو ته معرفي شول او پپه رسمي توګه یې خپلې دندې پیل کړې.
په دغه مراسمو کې د کرنې وزارت مسؤلینو د وزارت د بېلابېلو ادارو ترمنځ د همکارۍ پر اهمیت او د نويو رییسانو پر مهم رول ټینګار وکړ، څو د ادارې مدیریت لا ښه، کرنیزې خدمات آسانه او د تولید کچه نوره هم لوړه شي.
د کرنې، اوبولګولو او مالدارۍ وزارت چارواکو هیله وښوده، چې د یادو نويو رییسانو ټاکنه به د هېواد د کرنیز سکتور د لا پراختیا او د بزګرانو لپاره د خدماتو د ښه‌والي لامل شي.