کندهار کې د جوارو چنجي د ژوند دوران ازمایښتي تشخیص ترسره شو

۱۲ وږی ۱۴۰۴ هـ.ش
۱۰ رَبِیعُ الْأَوَّل ۱۴۴۷ هـ.ق
د کندهار دکرنې، اوبو لګولو او مالدارۍ ریاست تر رهبرۍ لاندې، د بوټو ژغورنې مدیریت د مسلکي او فني کسانو له لوري د کرنې ریاست په لابراراتوار کې د جوار چنجي د ژوند دوران ازمایښتي تشخیص ترسره شو. مسؤلین وایي، چې دا لومړي ځل دی، چې په کندهار کې داسې ازمایښتي تشخیص ترسره کېږي. 
د بوټو ژغورنې مدیریت مسؤلین وایي؛ د دې ازمایښتي تشخیص په ترڅ کې د جوار چنجي د ژوند ټول دوران وڅیړل شو، پرمهال یې د پیدایښت، د ژوند موده، پر جوار نبات یي اغېزې او جوار نبات ته اړونکي زیانونه وڅېړل شول. د مسؤلینو په وینا یاد چنجي په جوار نبات کې د پاڼو، ساقو (تنو) او جوارو دانو څخه تغذیه کوي او د حاصلاتو د کمښت لامل کېږي.
د کندهار دکرنې ریاست د بوټو ژغورنې مدیریت د کندهار ښار او ولسوالیو بزګرانو څخه غوښتنه کوي، چې د نباتاتو د ښه تشخص او درملني لپاره کندهار کرنې ریاست اړوند بوټو ژغورنې مدیریت ته مراجعه وکړي، ترڅو دلته یې په پوره معیار او ښه ډول سره درملنه ترسره شي.
د یادونې وړ ده، چې د کندهار د کرنې ریاست هڅه کوي، چې راتلونکي کې هم د نباتاتو د تشخیص او درملنې لپاره عملي ګامونه واخلي او په دې برخه کې خپل هڅې زیاتي کړي.