پکتیکا کې پر زرګونو بزګرانو د غنمو اصلاح شویو تخمونو وېش لړۍ پیل شوه
۵ لړم ۱۴۰۳ه.ش
۲۳ رَبِیعُ الْثاني ۱۴۴۶ه.ق
د پکتیکا دکرنې، اوبولګولو او مالدارۍ ریاست چارواکي وایي، چې د نړۍوال بانک او د ملګرو ملتونو د خوړو او کرنې ادارې په مالي او د «آر،آر،اې،اې» مؤسسې په تخنیکي ددې ولایت پر زرګونو بزګرانو د غنمو اصلاح شوي تخمونه او کیمیاوي سرې وېشل کېږي.
د پکتیکا دکرنې ریاست چارواکي وایي، چې ددې مرستې په ترڅ کې د مټاخان ولسوالی پر ۶۰۰ بزګرانو، د ډیلي ولسوالی پر ۱۵۰۰ او د خوشامند ولسوالی پر ۶۰۰ بزګرانو د غنمو اصلاح شوي تخمونه او کیمیاوي سرې وېشل شوي دي.
د پکتیکا دکرنې ریاست چارواکي وایي، چې ددغو مستحقو کروندګرو د سروې چاري په اړونده ولسوالیو کي د ګډي کمېټې لخوا چي په ترکیب کي یې د ولسوالۍ مقام، امنیې قوماندانۍ، استخباراتو او زراعت استازي شامل دي ترسره شوي دي.
په دغه پروسه کي هر کروندګر ته ۵۰ کېلوګرامه د غنمو اصلاح سوی تخم، ۵۰ کېلو سپین او ۵۰ کېلو توره سره ورکړل شوي دي.
د دغو مرستو موخه په پکتیکا کي د اصلاح شوی تخمونو رواجول، د بزګرو او ځمکوالو ملاتړ او له کمو مځکو څخه د لوړو حاصلاتو ترلاسه کول دي.
