د ابونصر فراهي بندر ته د فراه دکرنې رییس سفر
۲۸ سلواغه ۱۴۰۲ه.ش
۶ شَعبان المُعَظّم ۱۴۴۵ه.ق
د فراه دکرنې، اوبولګولو او مالدارۍ رییس الحاج مولوی شاه محمد «حاجي سروري» ابو نصر فراهي بندر ته د سفر په ترڅ کې له اړوندو چارواکو سره پر بېلابېلو موضوعاتو خبرې اترې وکړې.
د فراه دکرنې رییس ددې بندر د کمیسار مرستیال سره په کتنه کې د کمیسارۍ ځمکه جلا او ورته تسلیم شو.
دغه راز د ګمرک له رییس سره په کتنه کې پر قرنطیني مسایلو د خبرو اترو ترڅنګ د ګمرک ریاست ځمکې ورته تسلیم او ترڅنګ یې د ترانسپورټ ځمکه هم مشخص او د قرنطین ۲۵ جریبه ځمکه هم تشخیص او تثبیت شو.
دغه راز د فراه دکرنې رییس له خوا په دې بندر کې د ټانګرو او لویو موټرو لپاره تم ځآی هم تثبیت شو.
په همدې حال کې، د فراه دکرنې، اوبولګولو او مالدارۍ رییس الحاج مولوی شاه محمد «حاجي سروري» د سوداګرۍ خونې له مرستیال حاجي ملا ذکریا سره هم په کتنه کې د سوداګرو پر ستونزو خبرې اترې وکړې.
