دکرنې وزارت د ځمکو چارو رییس د کابل ولایت د اراضۍ رییس سره وکتل
۱ سلواغه ۱۴۰۲ه.ش
۹ رَجَب المُرَجَّب ۱۴۴۵ ه.ق
دکرنې، اوبولګولو او مالدارۍ وزارت د ځمکو چارو رییس مولوی محمود مظلوم د کابل ولایت د اراضۍ رییس مولوی عبدالباري شهاب سره د خپل کار په دفتر کې وکتل.
د غونډې په پیل کې یادو چارواکو د کابل ولايت د اراضۍ رياست د کارونو د هغو له اجراآتو او يو شمېر نورو موضوعاتو لکه د کابل ولايت د اراضۍ رياست لخوا د الکترونيکي قبالو د ورکړې او داسې نورو موضوعاتو باندې هر اړخيزې خبرې وکړې.
ورپسې د کابل ولايت د اراضۍ رییس مولوي عبدالباري شهاب د ځمکو چارو رییس څخه په مننې خپل د فعاليتونو او د دغه ریاست اړتياوې لکه کمپیوټر، پرنتر او د يو شمېر نورو الکترونيکي وسايلو د کموالی په اړه هم خپل وړاندیزونه د ځمکو چارو رییس سره شريک کړل.
په پای کې د کرنې وزارت د ځمکو چارو رییس د کابل ولايت د اراضۍ رییس د خبرو اوريدو وروسته نوموړی ته وویل، چې خپل ټول وړانديزونه دې په کتبي توګه د اراضۍ رياست مقام ته راوړی تر څو موضوع د کرنې وزارت له رهبرۍ سره شريکه او په اړه يې لازم اجراات ترسره شي.
