هلمند کې د ځمکې غصب مخنیوي تخنیکي پلاوي غونډه دائره شوه
د هلمند ولایت د ځمکې د غصب مخنيوي او غصب شویو ځمکو د تثبیت تخنیکي پلاوي خپله ۷۳مه نوبتي غونډه ترسره کړه.
د هلمند ولایت د ځمکو د غصب مخنيوي او غصب شویو ځمکو د تثبیت تخنیکي پلاوي خپله ۷۳مه نوبتي ناسته د کرنې په ریاست کې ترسره کړه.
په یاده غونډه کې د یادې کمېټې رییس الحاج مولوي نظر محمد صدیقي تر څنګ نورو غړو هم حضور درلود.
په دې ناسته کې تخنیکي پلاوی په دوو کاري ګروپونو ووېشل شول، چې لومړي کاري ګروپ د کرنې په ریاست کې په یو شمېر مهمو موضوعاتو لازم اجرائت ترسره کړل او دوهم کاري ګروپ په مرکز لښکرګاه کې د هغو موضوعات په اړه کار وکړ چې د هلمند ولایت مقام لخوا یاد پلاوي ته د حل په موخه محول شوي وو.
د یادو ترسره شویو اجرائتو په اړه به ځانګړي راپورونه ترتیب او د عالي مقاماتو سره شریک کړل شي.
تخنیکي پلاوي همدارنګه د یو شمېر ولسي وګړو املاکي ستونزې هم واورېدې او د موضوعاتو حل په موخه ورته د اصولي کړنو ډاډ ورکول شو.
