د ننګرهار چپرهار کې دوه پروژې ګټې اخیستنې ته وسپارل شول
۵ وږی ۱۴۰۲ه.ش
۱۰ صَفَرُ المُظَفَّر ۱۴۴۵ه.ق
د ننګرهار د کرنې، اوبولګولو او مالدارۍ ریاست په هڅو ددې ولایت د چپرهار ولسوالی په ماڼو او سپین جماعت کلیو کې د ۱۵ زره او ۵۰۰ امریکایې ډالرو په ارزښت د مالدارانو د ستونزو د حل په پار حیواني خوراکې میل او یو د وترنري کلینیک ګټي اخیستي ته وسپارل شول.
د ننګرهار د کرنې، اوبولګولو او مالدارۍ رییس مولوي عبدالستار محمد وویل، چې د چپرهار ولسوالی د مالدارانو د ستونزو حل او په یادې ولسوالی کې د مالدارۍ سکټور د پیاوړتیا په پار دوه پروژې ګټي اخیستني ته سپارل شوي دي .
په دې اړه جوړه شوې غونډه کې د ننګرهار د کرنې، اوبولګولو او مالدارۍ ریاست په استازیتوب د څارویو روغتیا او خدمتونو امر داکتر محمد ضمیر بهسودي، چپرهار ولسوالی ولسوال قاري احسان الله ساجد ، هالنډ کمیټي استازو، ترویج مدیر او قومي مخورو حضور درلود.
د کرنې رییس زیاته کړه، چې مالدارۍ کلینیک او د حیواني خوراکې زېرمتون دافغانستان لپاره د هالینډ کمیټې د ار پي ایس اف پروژې لخوا جوړ شوی، چې ددي کلینیک او حیواني خوراکې په جوړولو سره د درملو او خوراکې ترڅنګ واکسینونو، درملني او لازمو مشورو سره د مالدارۍ سکتور کې مثبت بدلونونه ولیدل شي.
دغه راز د ۷ زره ډالرو په ارزښت د حیواني خوراکې لپاره ودانۍ، ماشینري، میل لپاره اومه مواد؛ او ۸ زره او ۵۰۰ ډالرو په ارزښت د کلینیک لپاره یوه عراده موټر سایکل، یو پایه سولري یخچال، بشپړ سولري سیستم، ۶۶ قلمه د وترنري تخنیکي بسته، ۳۳ قلمه لوجستیکي بسته او ګڼ نور وسایل ورکړل شوي دي، ترڅو مالدارانو ته ښه او بهتره چوپړونه وړاندې کړي.
ددې مرستې موخه په دې ولسوالی کې د مالدارانو ستونزو ته رسېدنه او په ټوله کې د مالدارۍ سکټور ودې او پراختیا ته زمینه برابرول دي.
