هلمند ولایت ته دکرنې وزارت د مالي او اداري مرستیال سفر
دکرنې، اوبولګولو او مالدارۍ وزارت مالي او اداري مرستیال الحاج مولوي فضل الباري فضلي هلمند ولایت ته د خپل سفر پر مهال په داسې حال کې، چې د هلمندد کرنې رییس مولوي عبدالباري شهاب، د امارتي ځمکو غصب څخه مخنیوی کمېسون مسؤل مولوي زین الله زاهد هم شتون درلود ددې ولایت له لسګونه ولسي وګړو، علماء کرامو او سپینږیرو سره وکتل.
په پیل کې ولسي وګړو په خپلو سیمو کې د یولړ املاکي ستونزو د حل په برخه کې د وزارت مقام له رهبري پلاوي څخه د مرستې او همکارۍ غوښتنه وکړه. ددې تر څنګ په وار سره بېلابېلو مشرانو په سیمئیزه کچه خپلې ستونزې او غوښتنې شریکې کړې.
ورپسې دکرنې وزارت مالي او اداري مرستیال الحاج مولوي فضل الباري فضلي یادو ولسي وګړو ته د ښه راغلاست ترڅنګ د هغوئ ستونزو ته د رسېدو په برخه کې د مرستې ډاډ ورکړ.
ښاغلی فضلي په خپلو خبرو کې وویل : «موږ د ولسونو په خدمت مکلفیت لرو تر څو په مشروع طریقه یې اړونده ستونزو ته د حل لارې ولټوو.»
هغه همدارنګه زیاته کړه : «خپلې ستونزې او غوښتنې مو په کتبي توګه ولیکئ او موږ ته یې وسپارئ چې د عالي مقاماتو سره یې شریکې کړو ترڅو د حل په اړه یې لازم تصمیم ونیول شي».
دکرنې، اوبولګولو او مالدارۍ وزارت مالي او اداري مرستیال الحاج مولوی فضل الباري فضلي د بزګران اومالدارانو دستونزو هوارولو په پار هلمند ولایت ته سفر کړی دی.
