کندهار کې د میکروب ضد درمل پاشنې لړۍ بشپړه شوه
۷ لړم ۱۴۰۳ه.ش
۲۵ رَبِیعُ الْثاني ۱۴۴۶ه.ق
د کندهار د کرنې، اوبو لګولو او مالدارۍ ریاست په مشرۍ او د نبات ژغورنې او کرنتین مدیریت په تخنیکي همکارۍ، د مسلکي او فني کارمندانو په وسیله د میکروب ضد درملو پاشنې پروسه ترسره شوه. دا پروسه د شرکت د مېوو ګدامونو کې د حفظ الصحې او ناروغیو د مخنیوي لپاره ترسره شوه.
د معلوماتو له مخې، کندهار کې پنځه زره او ۱۰ ټنه غنم پېرل کېږي او په دغه ګدام کې زېرمه کېږي، نو همدې موخې لپاره یاد مرکز ضد عفوني شو، ترڅو غنمو ته زیان ونه رسېږي.
ضد عفوني کول د حفظ الصحې لپاره یوه مهمه طریقه ده، چې په ځانګړو کیمیاوي موادو ترسره کېږي، ترڅو میکروبونه له منځه یووړل شي. دا لړۍ د روغتونونو، کورونو، د خوړو صنعت، کرنې او نورو برخورو د ناروغیو مخنیوي او خوندیتوب کې اساسي رول لري.
