کابل کې د امریکا سفارت شارژدافیر سره د کرنې وزیر خبرې اترې

۱۳ لیندۍ ۱۳۹۹
د کرنې، اوبولګولو او مالدارۍ وزیر ډاکټر انوارالحق احدي، په کابل کې د امریکا سفارت شارژدافیر سره د ویډیو کنفرانس له لارې خبرې وکړې. په دې ویډیو یې کنفرانس کې، د کرنې سکټور ودې، د کرنې وزارت او امریکا متحده ایالاتو ترمنځ همکارۍ او په ورته وخت کې کومې پروژې، چې په دې سکټور کې د متحده ایالاتو له خوا تمویلیږي او دغه راز پر راتلونکو برنامو خبرې وشوې.
په دې خبرو اترو کې، په کابل کې د امریکا شارژدافیر د کرنې د پراختیا وجهي صندوق یا ADF سره په همکارۍ د خپلو کړنو، چې ددې هېواد د مرستو یوه برخه ده او بزګرانو لپاره د پور زمینه برابروي، د بدیل معیشت د پروژو پلي کول او دغه راز هغه برنامې چې د متحده ایالاتو له خوا تمویلیږي، خبرې وکړې.
ښاغلی راس ویلسون دغه راز زیاته کړه، چې د افغانستان د تازه مېوو د پروسس او تولید په برخه کې، باید پر اسټانډرډ کولو ډېر کار ووشي، ترڅو نړیوالو بازارونو ته ددغو محصولاتو د لا ډېرو صادراتو زمینه برابره شي.
په افغانستان کې د امریکا شارژدافیر دغه راز د افغانستان د کرنې د پراختیا وجهي صندوق یا ADF په هکله وویل، چې باید پورونه ددې بنسټ له لارې، په ښه ډول سره کرنیزو فعالانو ته ورکړل شي.
په پای کې د کرنې، اوبولګولو او مالدارۍ وزیر ډاکټر انوارالحق احدي وویل ټاکل شوې، په راتونکې کې هم د مقابل لورې سره پر هغو برنامو چې پر ځانګړو همکاریو تمرکز کوي، لیده کاته او خبرې اترې ووشي.