چورې ولسوالی ته د اروزګان د امارتي ځمکې د غصب مخنيوی پلاوی سفر
د اروزګان دکرنې، اوبولګولو او مالدارۍ ریاست وایي، چې ددې ولایت د ځمکو غصب او غصب شويو ځمکو د استرداد تخنيکي پلاوی چې په راس کي يې د ارزګان دکرنې رييس او ترڅنګ يېد عدليې رييس، د ښاروالۍ رييس، دحج او اوقاف رييس او د امنيه قوماندانۍ مرستيال شمال ؤ د چورې ولسوالی ته کاري سفر وکړ.
ددې سفر په ترڅ کې ياد پلاوی د چورې ولسوالی استازو او مشرانو سره د امارتي ځمکو د تثبت او استرداد اړوند معلومات شريک کړي او عامه پوهاوی ورکړل تر څو د تخنيکي پلاوی په کارونو کې چټکتيا راشي.
په دې غونډه کې دقومندان اخترمحمد د ويالې، خوشخدير، ابيان (اويان)، ولګي،او ځينو نورو کاريزونو خلګو ګډون درلودل.
باید وویل شي، چې د اروزګان ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
