پکتیکا کې د زلزله ځپلو سیمو سروې پیل شو
۷ چنګاښ ۱۴۰۱ ه.ش
۲۹ ذوالقعده ۱۴۴۳ ه.ق
د پکتیکا د کرنې، اوبولګولو او مالدارۍ ریاست چارواکي وایي، چې د یاد ریاست د کارکوونکو له خوا پر زلزله ځپلو خلکو د خوراکي او غیر خوراکي توکو د وېش ترڅنګ د ګیان او برمل ولسوالیو د زلزله ځپلو سیمو د کرنیزو ځمکو، کانالونو او له منځه تللو څارویو سروې هم پیل شوې ده، چې په چټکۍ سره روانې دي.
د چارواکو په خبره په یادو ولسوالیو کې د زلزلې له وجې په یادو ولسوالیو کې نږدې ۲۹۵۰ څاروي له منځه تللي دي، چې له دې ډلې د برمل په ولسوالۍ کې ۲۲۰۰ او په ګیان ولسوالی کې ۷۵۰ څاروي له منځه تللي دي.
د چارواکو په خبره د زلزله ځپلو سیمو د سروې تر بشپړېدو وروسته د یادو سیمو کرنیزې زېربناوې بېرته رغول کېږي او له زلزله ځپلو سره اړینې مرستې کېږي.
