پکتیا؛ همکارو برنامو سره سکټوري غونډه دائره شوه
۱۳ چنګاښ ۱۴۰۱ ه.ش
۵ ذوالحجَّة ۱۴۴۳ ه.ق
د پکتيا ولايت د کرنې، اوبولګولو او مالدارۍ رياست په مقام کې له همکارو برنامو سره سکتوري غونډه د ياد رياست د سرپرست ښاغلي مولوي احسان الله احسان په مشرۍ ترسره شوه، چې پکې د ياد رياست د آمرينو په ګډون د ولایت مقام، اقتصاد ریاست، سکټور رياست، چاپېریال ساتنې، سیندیزې حوزې ریاست، ځمکې او ځنګلونو د تلپاتې مديريت پروژې، سولې ريښې، GIZ، د ژغورنې نړيوالې کميټې «IRC» مؤسسې مسولينو ګډون کړي وو.
د غونډې په پيل کې د پکتیا دکرنې رییس مولوي احسان الله احسان د همکارو برنامو د تېرو کړنو راپور او راتلونکي پلانونه واورېدل، نوموړي د همکارو موسسو له مسولينو وغوښتل، چې ښې همغږۍ، دوه اړخيزې همکارۍ، د ښو خدمتونو وړاندې کولو، اطاعت او د لارښوونو تعقيب ته جدي پاملرنه وکړي.
په همدې حال کې، د همکارو برنامو مسولينو په خپل وار سره د خپلو ترسره شويو کړنو مفصل راپور وړاندې کړ او ورپسې يې په راتلونکو پلانونو رڼا واچوله.
د غونډې په پای کې ښاغلی مولوي احسان د همکارو برنامو مسولينو ته د پروژو د ښه تطبیق او ستونزو د حل په موخه لازمې لارښوونې هم وکړې.
