هلمند کې د پستې نیالګیو تولید په پارهڅې، د پستې زرګونه نیالګي تولیدېږي
۹ وری ۱۴۰۳ه.ش
۱۸ رَمَضانُ المُبارَک ۱۴۴۵ه.ق
د هلمند ولایت د کرنې، اوبولګولو او مالدارۍ ریاست لخوا، د طبیعي سرچینو آمریت اړوند د مرکز لښکرګاه د بولان د نیالګیو روزنځای کې د پستې پنځه زره اصله نیالګیو د تولید په پار د تخمونو کرکېله پیل شوه.
دیادې پروسې له لارې په پلاستیکي کڅوړو کې د پستي باکیفیته تخمونه کرلکېږي، چې یاد تخمونه د مسلکي کارکؤنکو لخوا سږکال تر روزنې لاندې نیول کېږي او راتلونکي کال ته د نیالګيو وېشلو دکړنلارې مطابق وېشلو ته چمتوکېږي.
د هلمند د کرنې ریاست اړوند دطبیعي سرچينو آمریت مسلکي کارکوونکو لخوا د نیالګیو په یاد روزنځای کې د بېلابېلو مېوه لرونکو نیالګیو ترڅنګ ډول ډول زینتي نیالګي تر روزنې لاندې دي، چې راتلونکي کال ته به ورڅخه زرګونه باکیفیته نیالګي د بڼوالو لپاره چمتو شي.