هلمند کې د ٧٨٠ تنو مالدارانو سره د مرستې لړۍ پیل شوه
۳ وږی ۱۴۰۱ه.ش
۲۷ محرم الحرام ۱۴۴۴ ه.ق
دهلمند ولایت د کرنې، اوبولګولو او مالدارۍ ریاست لخوا، د "DCA" مؤسسې په تخنیکي او د "DAI" مؤسسې په مالي همکارۍ په مرکز لښکرګاه، ګرشک، سنګین، نوزاد او موسی کلا ولسوالیو کې د ٧٨٠ مالدارانو سره د حیواني خوراکې او حیواني درملو مرستې لړۍ پیل شوې ده.
په دې پروسه کې هر مالدار ته د ٨٨٠ افغانیو معادل د حیواني ناروغیو ضد درمل او د حیواني خوراکې لپاره ٢٦٤٠ افغانۍ په نغدې ډول وېشل کېږي.
په یادو ولسوالیو کې د مستحقو مالدارانو سروې د کرنې ادارې استازو ترڅنګ د ولسوالیو مسؤلینو او اړونده مؤسسې کارکوونکو لخوا په شفاف ډول تر سره شوې ده چې تر ډیره پکې بې بضاعته او د ټیټ اقتصاد لرونکي مالداران په نښه شوي دي.
د یادونې وړ ده، چې تر دې مهاله په مرکز لښکرګاه، ګرشک او سنګین ولسوالیو کې د وېش چارې بشپړ شوي دي او پاتې ولسوالیو کې به هم مستحقو کورنیو ته د وېش چارې پيل شي.
