نورستان کې د بڼوالۍ ودې او ځنګلونو پراختیا لپاره د نیالګیو وېش روان دی
د نورستان ولایت برګمټال او کامدېش ولسوالیو کې د کرنې، اوبو لګولو او مالدارۍ ریاست تر څار لاندې، د خوراک او کرنې نړیوالې ادارې اف اې او په مالي ملاتړ او د اف جي اې تخنیکي همکارې مؤسسې په همکارۍ د بڼوالۍ ودې او چاپېریال ساتنې لپاره د نیالګیو وېش دوام لري.
د دې لړۍ په ترڅ کې ۱۰زره او ۱۸۰ د مڼو نیالګي، ۲زره او ۷۲ د املوک نیالګي، ۸زره او ۹۶۰ د چهارمغزو نیالګي، ۳۰زره د مېوه لرونکو ونو نیالګي او ۶۰۰زره د سفیدارو قلمې وېشل شوې دي.
د بڼوالۍ ودې، د کرنیزو محصولاتو زیاتوالي او د چاپېریال ښهوالي لپاره دا لړۍ لا هم روانه ده، څو بزګر او علاقمندان ترې ګټه واخلي.
