ننګرهار کې ۱۵۰ نارینه او ښځینه کروندګر وروزل شول
۲۶ لېندۍ ۱۴۰۱ه.ش
۲۳ جمادي اﻷول ۱۴۴۴ ه.ق
د ننګرهار د کرنې، اوبولګولو او مالدارۍ ریاست وایي، چې د «OHW» مؤسسې په همکارۍ ددې ولایت د لعلپورې ولسوالی ۱۵۰ نارینه او ښځینه کروندګر وروزل شول.
د چارواکو په خبره یاد کروندګرو ته د غنمو د ننداریزو قطعو جوړولو په اهمیت او د غنمو په ننداریزو قطعو کې د اوبخور تنظیم، سرې استعمال، د کتار په بڼه کرکېله، بیکاره بوټو او د ناروغیو کنترول په برخه کې روزنه ورکړل شوي دي.
د مسؤلینو په وینا د دغې روزنې څخه موخه د غنمو کتاري کرکیلې دودول او د لوړ حاصل لاسته راوړل دي.
