ننګرهار کې یوشمېر بزګران او بڼوال وروزل شول
٢۳ تله ۱۴۰۲ه.ش
۱ ربیعالثاني ۱۴۴۴ ه.ق
د ننګرهار د کرنې، اوبولګولو او مالدارۍ ریاست اړوند د بوټو ساتنې مدیریت کارکونکو له لورې د بټي کوټ، چپرهار او پچیراګام ولسوالیو په شبدیانو، دولتزیو، لنډه خېلوکلیو کې کرونده ګرو او بڼوالو ته روزنه ورکړل شوه.
د یادو ولسوالیو د بوټو ساتنې مدیریتونو له لورې بزګرانو ته د کچالو کرلو، سپینو ملیو اوبولګولو، ناروغیو، افاتو، سرو استعمال، اوبولګولو، کرنیز تناوب مراعت کولو، هرزه وښو مخنیوی، د سبو او نورو بوټو کې د ناروغیو او افاتو د هراړخیز کنټرول په موخه روزنه ورکړل شوه .
دغه راز په يادو ولسوالیو کې بزګرانو او بڼوالو ته په بڼونو کې د کیمیاوي درملو استعمال، دستروسو ناروغیو مخنیوی، یخ وهنې، د ژغورنې احتیاطي تدابېرو، د درملو زیانونو او ګڼو نورو برخو کې روزنه ورکړل شوه.
د ننګرهار د کرنې، اوبولګولو او مالدارۍ ریاست هڅه کوي، د خپلو متخصصینو پر مټ بزګرانو او بڼوالو ته د ناروغیو او افاتو په اړه پر وخت معلومات وړاندې کړي؛ ترڅو د ناروغیو مخنیوي وشي او بزګران له زیانونو خلاص شي.
