ننګرهار کې څه باندې ۶۰۰ مالدارانو ته د شړومبو او پنیر جوړولو ماشینونه ورکړل شول
۴ زمری ۱۴۰۲ه.ش
۹ مُحَرَّمُ الحَرام ۱۴۴۵ه.ق
د ننګرهار د کرنې، اوبولګولو اومالدارۍ ریاست تر چتر لاندې د افغانستان لپاره د هالنډ کمیټې په تخنیکي همکارۍ او د کرنې نړیوالې اداري په مالې ملاتړ د ننګرهار په دیارلس ولسوالیو کې د شړومبو او پنیر جوړولو ماشینونه ووېشل شول.
د ننګرهارد کرنې، اوبولګولو اومالدارۍ رییس مولوي عبدالستار محمد وویل د هالنډ کمیټې له لوري د ننګرهار په دیارلس ولسوالیو کې ۳۵۰ پایې د شړومبو، ۱۸۳ پایې د پنیر جوړولو ماشینونه او ۷۳ د قروتو بکسي پر مالدارانو ووېشل شوې.
د ننګرهار دکرنې رییس په خبره د شېدو د پروسس د ماشینونو د وېش موخه د نوي ټکنالوجۍ ترویج، د شېدو پاکوالي ښه مراعتول، د مالدارانو اقتصادي پیاوړتیا او د باکیفیته حیواني محصولاتو په موخه ورکړل شو.
