ننګرهار کې د ګنیو پروسس کوونکو او بزګرانو ترمنځ هوکړه لیکونه لاسلیک شول
۲۰ لړم ۱۳۹۹
د کرنې، اوبولګولو او مالدارۍ وزارت له دویم ملي لومړیتوب څخه د ملاتړ پروګرام«SNaPP2» په همکارۍ په ننګرهار کې د ګنیو تولیدونکو او پروسس کوونکو ترمنځ د پېر-پلورهوکړه لیکونه لاسلیک شول.
دغه هوکړه لیکونه ددې ولایت د ۲۰۰ بزګرانو د ګنیو محصولاتو د بازار موندنې په موخه د ګنیو تولیدوونکو او د ګنیو پروسس کوونکو ترمنځ لاسلیک شوي دي. ددې هوکړه لیکونو ټولیز ارزښت ۱۲ میلیونه افغانۍ ده.
مارکېټ سره د بزګرانو نښلول، د ګنیو لوړ تولید، د بزکرانو په اقتصادي حالت کې مثبت بدلون او د بزګرانو د محصولاتو لپاره مارکېټ پیدا کول ددې هوکړه لیکونو موخې کڼل کیږي.
ددې هوکړه لیکونو پر بنسټ پروسس کوونکی به د بزګرانو محصولات په لوړه بیه پېري، د ترانسپورت آسانتیاوې ورته براروی، اصلاح شوی تخمونه به چمتو کوي، د وړتیالوړونې په پار بزګرانو ته عملي او نظري روزنیزې برنامې په لاره اچوي او د امکان په صورت کې به بزګرانو ته وړې پورنه هم ورکوي.
