ننګرهار کې د ځمکې غصب مخنیوی او غصب شویو ځمکو بېرته راګرځولو تخنیکي پلاوي کړنې
۱۵ وری ۱۴۰۳ه.ش
۲۴ رَمَضانُ المُبارَک ۱۴۴۵ه.ق
د ننګرهار ولایت د امارتي، سلطاني، مرعي او وقفي ځمکو د غصب مخنیوی او غصب شویو ځمکو بېرته راګرځولو تخنیکي پلاوي سرخ رود ولسوالی کې د حاجي عبدالقدیر ښارګوټی، چې د خیراباد او فتح اباد سیمه کې واقع ده له نږدې ولیدله.
د ننګرهار د کرنې ادارې او تخنیکي پلاوي رییس مولوي عبدالستار محمد په مشرۍ د عدلیي رییس، د سرحداتو او قبایلو رییس، ښارجوړونې رییس، ښاروالۍ مرستیال، قومندانۍ مرستیال،استخباراتو مرستیال، قضایایې امارت امر او کدستر مسؤل د سرخ رود ولسوالی د حاجي عبدالقدیر ښارګوټي او د غصب اړوند ګڼو نورو مهمو موضوعاتو باندې لنډ بحث او رڼا واچول شوه.
دغه راز د غصب مخنیوي پلاوي د تخنیکي او مسلکي کسانو په مرسته چې د یاد ښار کوټي حدود، نوعیت، کروکي، سکیج، او حد فاصل پخوا اخیستل شوي وه، مخکي پرې درې قبالې او اوس پرې دوه نورې قبالې هم تطبیق شوي.
همدارنګه پریکړه وشوه، چې راتلونکې غونډه کې د ټولو قبالو د تطبیق راپور د تخنیکي پلاوي د غړو سره شریک شي ترڅو د وروستي کړنو په موخه دغضب مخنیوي مرکزي کمیسیون ته واستول شي.
