ننګرهار ولایت کې د صنعتي پارکونو جوړولو په موخه د شل زره جریبه ځمکې تثبیت چارې بشپړ شو
۱۵ سلواغه ۱۴۰۳ه.ش
۴ شَعبان المُعَظّم ۱۴۴۶ه.ق
د عالیقدر امیرالمؤمنین (حفظه الله تعالی) د حکم په اساس صنعت او سوداګرۍ وزارت ته دننګرهار ولایت روداتو ولسوالۍ کې شل زر جریبه ځمکه تثبیت، تعین او د انتقال اړوند ټول اسناد یې چمتو، تائید او د صنعت او سوداګرۍ وزارت ته انتقال شوه.
په پام کې ده، چې په یاده ځمکه کې صنعتي پارکونه جوړ، د صنعت کارانو ستونزې به حل، پانګې اچونې ته به زمینه برابره او د هېواد په اقتصاد به مثبت اغیز وکړي.
د ننګرهار د کرنې، اوبو لګولو او مالدارۍ رییس مولوي محمد ولي محسن ددغه کار د پایلو څخه خوښي څرګنده کړه او دا کار يې د افغانستان اسلامي امارت د مشرتابه د حکم د تطبيق او همدارنګه د هېواد د پرمختګ او سوکالۍ په برخه کې نېک اقدام وباله.
