میدان وردګو کې د بڼونو خوندیتوب په پار د لایم سلفر درمل شیندنې کمپاین پیل شو

د  میدان وردګو ولایت دکرنې، اوبولګولو او مالدارۍ ریاست ددې ولایت د بڼونو خوندیتوب په موخه پر ونو د لایم سلفر درمل شیندنې کمپاین پیل کړی دی.
دغه کمپاین ددې ولایت د نرخ ولسوالی څخه پیل شوی دی، چې په راتلونکې کې به ددې ولایت نورو سیمو ته هم وغځېږي.
لايم سلفر يوه ترکيبې او وقايوي درمل ده، چې په خپل ترکيب کې سلفر، چونه او اوبه لري، ياده وقايوي درمل په غوښينو مېوو دتاک يا انګورو په ګډون د مڼو، ناک او نورو... ونو باندی تطبقیږي.
د میدان وردګو ولایت دکرنې ریاست د چارواکو په خبره دغه پروګرام د میدان وردګو دکرنې ریاست د پراختیایي بودیجې له لارې پلي کېږي، چې موخه یې د بڼوالو د بڼونو خوندي کول دي.
ونو ته د لایم سلفر د درمل شیندنې لړۍ د کب په میاشت کې مخکې ل دې، چې ونې غوټۍ وکړي(د استراحت په وروستیو ورځو کې وی) پلي کېږي، دغه درمل د ونو خاکسترک، چيچک، پاڼې سوري کېدنه او دنباتي کنو له منځه وړلو کې اغېزمن تمامېږي.