لغمان کې سلګونو څارویو ته د واکسینونو پلي کولو چارې پیل شوې
١٨ لیندۍ ۱۴۰۲ه.ش
٢٦جُمَادَى الأول ۱۴۴۵ ه.ق
د لغمان د کرنې، اوبولګولو او مالدارۍ ریاست په هڅو د افغانستان لپاره د هالینډ کمیټې له لورې ددې ولایت په مرکز او ولسوالیو کې وړو شخوند وهونکو څارویو ته د لیونتوب او انترکس واکسینونونو د تطبیق لړۍ پیل شوې ده.
د لغمان د کرنې، اوبولګولو او مالدارۍ الحاج مولوي محمد ولي محسن وویل، چې د هالینډ کمیټې له لورې ١٣١ زره او ١٠٠ ډوزه واکسینونه وړو شخوند وهوونکو څارویو ته پلي کېږي.
د لغمان دکرنې رییس وویل، چې یادو واکسینونو کې به ٣٧ زره او ١٠٠ دوزه د څارویو د څارویو د یوناڅپي مړینې(ټک) او ٩٤زره د څارویو دلیونتوب ناروغۍ واکسینونه پلي شي.
دغه راز یادو واکسینونه په وړو څارویو کې د ناروغیو مخنیوی او د څارویو لرونکو اقتصادي ستونزو د حل په موخه ترسره کېږي.
دغه راز ددې ترڅنګ ٥٣ زره ډوزه د څارویو د داخلي چنجیو درمل هم پر مالدارانو وېشل کېږي
وړاندې تردې هم د هالینډ کمیټې له لورې دلغمان په بېلابېلو ولسوالیو کې زرګونه څارویو ته د لېونتوب واکسینونه تطبیق کړي؛ او په راتلوونکي کې به هم یاد واکسینونه تطبیق شي.
