فراه کې د ودانیزو پروژو چارو د پرمختګ څخه څارنه تر سره شوه
د فراه ولایت د کرنې، اوبو لګولو او مالدارۍ ریاست د طبیعي سر چینو آمر او د انجینری ټیم له خوا د دې ولایت بالابلوک او پشت رود په ولسوالیو کې چی د ابولګولو ودانیزې پروژې پلي کېږي له دغو پروژو څخه څارنه تر سره شوه. په دې ترڅ کې د ودانیزو چارو هر اړخیزه کتنه ترسره شوي او د انجینرانو له لوري د چارو د لا ښهوالي او کیفیت لوړولو لپاره سپارښتنې وړاندې شوې.
د فراه دکرنې ریاست چارواکي وايي، چې دغه پروژې د ملګرو ملتونو د خوړو او کرنې ادارې په مالي او د «ډي،آر،سي» کمېټې په تخنیکي همکارۍ د بالابلوک ولسوالی کنسک په کلي کې پلي کېږي، چې په کې یو سربند د ۶۵ مترو په اوږدوالي ،۲,۲ متر سور،۳,۷ متره په لوړوالی سره او پنځه پلچکان شامل دي او دغه راز اود پشت رود په ولسوالی کې یو چکډېم د ۷۵ مترو په اوږدوالي ،۴,۴ متر سور او ۲.۲ مترو په لوړوالی سره په پاخه او اساسي توګه رغول کېږي، چې د یادې سیمې وګړوته د کار زمینه هم برابره شوې ده. ددغو پروژو په بشپړېدو سره به د یادې سیمې بزګرانوته د ابولګولوپه برخه کې اسانتیاوې را منځ ته شي.
