غزنی ولایت کې د پي،پي،آر واکسین کمپاین پیل شو
۲۶ وری ۱۴۰۴ ه.ش
۱۷ شَوّالُ المُکَرَّم ۱۴۴۶ه.ق
د غزنی ولایت د کرنې، اوبو لګولو او مالدارۍ ریاست لخوا د کوچنيو شخوند وهونکو څارویو د طاعون ناروغۍ پر وړاندې د واکسین د ویش او تطبیق کمپاین په رسمي ډول پرانیستل شو.
دا پروګرام د غزنی ولایت د کرنې، اوبو لګولو او مالدارۍ رییس الحاج مولوی محمد اسماعیل شکیب، د مالدارۍ آمریت کارکوونکو او د سیمه ییزو وترنري کلینیکونو چارواکو په شتون کې نن په رسمي دول پیل شو.
د غزني دکرنې رییس مولوی محمد اسماعیل شکیب په خپلو خبرو کې وویل، په دې کمپاین کې به ۸۰۰۰۰ ډوزه واکسین د کرنې وزارت له لارې او د ملګرو ملتونو د کرنې او خوړو نړیوال سازمان په همکارۍ، د ولایتي کچې د سیمه ییزو وترنري کلینیکونو له لارې به ددی ولایت په مرکز او ټولو ولسوالیو کې پلي شي.
وروسته د مالداری امریت امر وویل، چې دد دې واکسین د تطبیق موخه د ناروغۍ د خپریدو مخنیوی، د څارویو د مړینې کمول په موخه ترسره کیږي.
دا پروګرام د کرنې، اوبو لګولو او مالدارۍ وزارت د هغو هڅو یوه برخه ده چې په هیواد کې د څارویو روغتیا ښه کولو او د څارویو پیاوړتیا او لوړ محصولاتو د تولید په موخه ترسره کیږي.
