زابل کې د اصلاح شویو تخمونواو کیمیاوي سرو وېش
د زابل ولایت د کرنې ریاست په هڅو او کوښښونو، د «او ایچ ډبلیو» مؤسسې لهخوا د ایف اې او مؤسسې په مالي ملاتړ د مرکز په ګډون ۱۱ ولسوالیو کې نږدې درویش زره بزګرانو ته د ۵۰ کیلو غنمو اصلاح شوي تخم، ۵۰ کیلو تورې سرې او ۵۰ کیلو سپینې سرې د وېش بهیر پیل شو.
یاد بهیر د ترویج امر مولوي نقیب الله (نجات)، د ترویج عمومي مدیر او د غلهجاتو مامور په ګډون د ولایت مقام استازي حاجي نصیر په شتون کې افتتاح شو. ترویج امر بزګرانو ته وویل، چې له یادو اصلاح شویو تخمونو او کیمیاوي سرو څخه په سمه توګه استفاده وکړي، ترڅو د نورو د احتیاج څخه خلاص شي او ځان بسیاینې ته ورسېږي.
بزګرانو هم ژمنه وکړه، چې یاد تخمونه به په خپلو کروندو کې په سم ډول کري او د زابل د کرنې ریاست له هڅو او کوښښونو څخه یې مننه وکړه، چې هروخت یې د هغوی ملاتړ کړی او په بېلابېلو برخو کې یې ورسره مرستې کړي دي.
