د کندهار غورک کې مالدارانو ته اړینې چوپړتیاوې وړاندې کېږي
٢۴ تله ۱۴۰۳ه.ش
۱۲ رَبِیعُ الْثاني ۱۴۴۶ه.ق
د کندهار د کرنې، اوبو لګولو او مالدارۍ ریاست په هڅه د هالنډ کمیټي له لورې یوه میاشت مخکې د کندهار غورک ولسوالی د څارویو روغتیا او ستونزو ته پر وخت رسیدنې په موخه کلینګ جوړ شو. چې د یوې میاشتې په لړ کې یې ډېر شمېر څاروي معاینه کړي، د وقایې په موخه یې ورته واکسینونه تطبیق کړي او د یادې ولسوالی د ناروغو څارویو ستونزې یې حل کړي.
همدارنګه د غورک ولسوالی د کرنې مسؤلینو ددې ولسوالی له مالدارانو سره د څارویو د ناروغیو، واکسینونو او ستونزو ته د حل لارې په موخه غونډې دائروي او د دوی ستونزو ته پر وخت رسېدنه کوي.
د سیمې مالدارن د کندهار د کرنې ریاست له کړنو خوښ دي او وایي، چې له دوی سره یې په هر برخه کې مرستې او همکاري کوي، چې په ترڅ کې یې د دوی ډېر شمېر ستونزې هوارې شوي دي.
دا په داسي حال که ده، چې د کندهار د کرنې، اوبو لګولو او مالدارۍ ریاست یوه میاشت وړاندې د غورک ولسوالی په ګډون د سپین بولدک، ارغستان، نیش او میوند ولسوالیو مالدارانو ستونزو ته د رسېدنې په پار د څارویو روغتیایي کلینیکونه جوړ کړي دي.
