د کرنې وزارت د ځمکو رياست په تالار کې د دیني درسونو زده کړې پیل شوې
۱۲ زمری ۱۴۰۲ه.ش
۱۶ مُحَرَّمُ الحَرام ۱۴۴۵ه.ق
دکرنې، اوبولګولو او مالدارۍ ریاست د ځمکو چارو ریاست کې د دیني درسونو زده کړې پروګرام پیل شو.په دې اړه جوړه شوې غونډه کې د کرنې وزارت د ځمکو چارو ریاست د مشرتابه په ګدون د دغه ادارې رییسان، کارکوونکي او د دعوت او ارشاد رياست لخوا معرفي شوي ښوونکو ګډون درلود.
د غونډې په پیل کې د کرنې وزارت د ځمکو چارو رییس ملا عبدالرحمن رحماني ګډونوالو ته د ښه راغلاست ترڅنګ او له ټولو کارکوونکو څخه يې وغوښتل، چي تل او پر خپل وخت درسونو کې چې د دعوت او ارشاد رياست د ښوونکو لخوا تدریس کېږي ګډون وکړي.
همداراز د ځمکې ریاست رییس د دغه ادارې له مسوولینو وغوښتل، چې کارکوونکي د درسونو په زده کړه کې وهڅوي.
