د کرنې وزارت د پلان او پروګرامونو د همغږۍ لوی رییس د خوړو نړۍوال پروګرام له چارواکو سره وکتل

mail-admin
سه‌شنبه ۱۴۰۵/۷/۷ - ۱۵:۳۳
دیدار رئیس عمومی پلان و هماهنگی برنامه‌های وزارت زراعت با مسئولان سازمان غذایی جهان

۷ تله ۱۴۰۵ هـ.ش 
۱۶ رَبِیعُ الْثاني ۱۴۴۸ هـ.ق
د کرنې، اوبو لګولو او مالدارۍ وزارت د پلان او پروګرامونو د همغږۍ لوی رییس مولوي عبدالعلي عمري، د خوړو نړۍوال پروګرام «ډبلیواف‌پي» له مسؤلینو سره په لیدنه کې، د همکاریو پر پراختیا، تخنیکي همغږۍ او د افغانستان د کرنې په سکټور کې د نویو پروژو د پلي کېدو په اړه خبرې وکړې.
په دې لیدنه کې د کرنې وزارت د پلان او پروګرامونو د همغږۍ لوی رییس د افغانستان د کرنې له سکټور څخه د ملاتړ په برخه کې د خوړو نړۍوال پروګرام له فعالیتونو او هڅو څخه مننه وکړه او د دغه وزارت او همکارو ادارو ترمنځ یې د همکاریو او همغږۍ پر دوام ټینګار وکړ.
په ورته مهال، د خوړو نړۍوال پروګرام د کرنیزو پروګرامونو مرستیال عبدالغفور نوابي، له همکارو مؤسسو سره د همغږۍ او د هوکړه‌لیکونو د لاسلیک په برخه کې د کرنې وزارت له همکارۍ څخه مننه وکړه او د افغانستان د کرنې په سکټور کې یې د همکاریو پر دوام او د لا ډېرو پروژو پر پلي کېدو ټینګار وکړ.
د خوړو نړۍوال پروګرام چارواکو په دې لیدنه کې وویل، چې دغه اداره په پام کې لري د هېواد په ۳۲ ولایتونو کې په ۵۰ ولسوالیو کې کوچنۍ او لویې پروژې پلي کړي. هغوی زیاته کړه، چې ډېر ژر به د کرنې وزارت د لومړیتوبونو له مخې، په ۲۰ ولسوالیو کې د پروژو د پلي کېدو لپاره ۲۰ میلیونه امریکايي ډالر ځانګړي شي.
په پای کې، د کرنې وزارت د پلان او پروګرامونو د همغږۍ لوی رییس ډاډ ورکړ، چې دغه وزارت د اسلامي امارت د پالیسیو او ستراتیژیو په رڼا کې د هېواد د کرنې سکټور د پراختیا او پیاوړتیا په موخه له همکارو مؤسسو سره هر ډول همکارۍ او همغږۍ ته چمتو دی.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت