د کرنې وزارت د اراضۍ لوی رياست لخوا ماليې وزارت ته ځمکه ولېږدول شوه
۷ چنګاښ ۱۴۰۴ ه.ش
۱ مُحَرَّمُ الحَرام ۱۴۴۷ه.ق
د کرنې، اوبولګولو او مالدارۍ وزارت د اراضۍ لوی ریاست کې جوړه شوې غونډه کې، چې د اراضۍ لوی ریاست د ځمکو د انتقال او وېش رییس مولوي سید محمد سعيد او د ماليې وزارت د ګمرکونو د پراختیا او ساتنې رييس مسلم خاکسار ګډون درلود د اراضۍ لوی رياست لخوا مالیې وزارت ته ځمکه ولېږدول شوه
ياده ځمکه د ماليې وزارت په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ لوی رياست لخوا ماليې وزارت ته د پکتیکا شکین ولسوالی کې په ۵۰۰ جریبه ځمکه باندې د ګمروک د جوړولو په موخه انتقال شوه.
د یادې ځمکې لېږد ټړون د کرنې وزارت د اراضۍ ادارې د ځمکو د انتقال او وېش رييس مولوي سيد محمد سعید او د ماليې وزارت د ګمرکونو د پراختیا او ساتنې رييس مسلم خاکسار ترمنځ لاسلیک شوه.
