د کرنې وزارت د اراضۍ رياست لخوا امارتي شرکتونو عمومي رياست ته ځمکه ولېږدول شوه
۲۰ زمری ۱۴۰۴ هـ.ش
۱۷ صَفَر المُظَفَّر ۱۴۴۷ هـ.ق
د کرنې، اوبولګولو او مالدارۍ وزارت د اراضۍ ریاست کې جوړه شوې غونډه کې، چې د اراضۍ لوی ریاست د ځمکو د انتقال او وېش رییس مولوي سید محمد سعيد او او د امارتي شرکت د هوټلونو سوداګریز او عملياتي رييس ډاکټر نصرت الله نصرت ګډون درلود؛ د کرنې وزارت د اراضۍ رياست لخوا امارتي شرکتونو عمومي رياست ته ځمکه ولېږدول شوه.
ياده ځمکه د امارتي شرکتونو عمومي رياست په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ رياست لخوا یادې ادارې ته د کندهار ولایت ارغنداب او خاکرېز ولسوالیو کې په (۱۰۷) جريبه ځمکه باندې د هوټلونو د جوړولو په موخه انتقال شوه.
د یادې ځمکې لېږد ټړون د کرنې وزارت د اراضۍ ادارې د ځمکو د انتقال او وېش رييس مولوي سيد محمد سعید او د امارتي شرکت د هوټلونو سودګریز او عملياتي رييس ډاکټر نصرت الله نصرت ترمنځ لاسلیک شوه.
