د کرنې او مالدارۍ مرستيال د «امیرخان بندامیر» د زعفرانو شرکت مسؤل سره وکتل
۲۱ تله ۱۴۰۰
دا.ا.ا د کرنې، اوبولګولو او مالدارۍ وزارت د کرنې او مالدارۍ مرستيال مولوی صدراعظم، يو چيني سوداګر د «امیرخان بندامیر»مسؤل سره وکتل.
په دې ليدنه کې مولوی صدراعظم وويل: «د افغانستان زعفران د کيفيت له لحاظه لوړ ده. موږ له هغو خصوصي شرکتونو څخه چې په تېرو وختونو کې يې له بزګرانو سره همکاري درلودل غوښتنه کوو چې، په راتلونکې کې هم له بزګرانو سره پراخې همکارۍ ولري. چين د زعفرانو د کرکېلي او توليد او کرنې سکټور څخه د خپلو ملاتړو په لړ کې له نوی حکومت سره پراخې همکارۍ ولري.»
هغه زياته کړه، چې زعفران هنګ (انجه) او نور محصولات کولای شي، چې د کوکنارو ځای ناستې په توګه وکارول شي.
د اميرخان بند امير شرکت مسؤل اميرخان وويل: «نږدې پنځه کاله کېږي، چې د افغانستان د زعفرانو په هکله مې څېړنې کړي او د بامیان، دایکندي او هرات په ولايتونو کې مې فعالیت درلود. د پروسس مرکز، بستهبندی او زعفران کارو بزګرانو سره همکاري زموږ د کار اصل وه. غواړو چې څپل فعاليتونه پراخه کړو.»
بايد وويل شي، چې له يوې خوا مناسبه اوبه، هوا او خاوره او له بلې خوا د بزکرانو هلې ځلې په مرکز او ولايتونو کې د زعفرانو د توليد او کرکېلي د ودې لامل شوي دي.
