د کابل د لبنیاتو تر ټولو ستره فابریکه، ګټې اخیستنې ته چمتو کیږي
۲۹ تله ۱۳۹۹
د کابل د ریشخور په سیمه کې د شېدو د پروسس د فابریکې تجهیز او رغنیزې چارې نږدې ۸۵ سلنه بشپړ شوي دي.
دغه فابریکه په ورځ کې د نږدې ۴۰ زره لیټره شېدې د پروسس په وړتیا سره، په یوه وخت کې د اووه ډوله لبني محصولاتو د تولید وړتیا لري.
یاده پروژه د مالدارۍ په برخه کې د کرنې وزارت یو له مهمو پروژو څخه دی، چې د کرنې د پراختیا نړیوال صندوق «IFAD» له خوا تمویلیږي.
دغه فابریکه په اته جریبه ځمکه کې جوړیږي. دغه فابریکه د کابل، پروان او لوګر له ولایتونو څخه د شېدې ټولولو له مرکزونو اومه شېدې راټول او پروسسوي.
ددې فابریکې د رغنیزو چارو په بشپړېدواو د فعالیت په پیل سره به د یادو ولایتونو د ولسوالیو او کلیو د مالدارانو د شېدې پلور ته زمینه برابره شي او په دغو سیمو کې د لبنیاتو تولید پراخ او د مالدارانو د عوایدو د زیاتوالي لامل شي.
