د کابل دفتحې د لومړۍ کلیزې په مناسبت دکرنې، اوبولګولو او مالدارۍ وزارت دکرنې او مالدارۍ مرستيال د مبارکۍ پیغام!

د کابل د فتحې د لومړۍ کلیزې په مناسبت ټولو هېوادوالو ته د زړه له کومې مبارکي وایم. د زمري څلور ویشتمه، د افغانستان له ویاړه ډک د تاریخ مهمه ورځ ده، چې موږ او تاسو ته د خپلواک او هوسا ژوند لپاره زموږ د سرښېندونکو مجاهدينو او باتورو غازيانو مبارزې را یادوي.
د هر هېواد په تاريخ کې داسې لويې او نه هېرېدونکي ورځې شته، چې د هغوى په وياړونو کې شمېرل کېږي. زموږ د هېواد په معاصر تاريخ کې د داسې تاريخي او له وياړه ډکو ورځو په ډله کې يوه هم د ۱۴۰۰ ام  کال د زمري د مياشتې ۲۴مه، د کابل دفتحې تاريخي او حماسه جوړونکې ورځ ده.
د دغې ورځې له نمانځنې سره د هېواد د ازادۍ د لارې د ټولو شهیدانو او غازیانو روح ته دعا استوم او له ځوان نسل څخه هیله لرم، چې د خپلو مېړنيو مجاهدينو او غازيانو د ګټلې ازادۍ د هراړخیزې او پوره ساتنې او نورو ارمانونو د تحقق لپاره کار وکړي.
الله(ج) دې موږ ته د دې توفیق او فرصت راکړي، چې د ګران هېواد خپلواکي په مېړانه وساتو او هيچاته ددې اجازه ور نکړو چې د اسلامي نظام پر وړاندې خنډ شي.
له فرصت څخه په استفادې افغان ولس ته ډاډ ورکوم، چې د ملي خپلواکۍ او ملي ګټو د ساتنې او له هره اړخه په خپلو پښو د درېدو لپاره به زموږ مبارزه په لا ډېر قوت او موثریت دوام ولري.
د هېواد د پرمختګ او سوکالۍ په هیله!
په درنښت
دکرنې، اوبولګولو او مالدارۍ وزارت دکرنې او مالدارۍ مرستيال
مولوی صدر اعظم.