د پکتیکا د کرنې رییس د ملګرو ملتونو د پراختیایي پروګرام له استازو سره د نویو پراختیایي پروژو په اړه خبرې وکړې

mail-admin
دوشنبه ۱۴۰۵/۸/۴ - ۱۰:۴۱
د پکتیکا د کرنې رییس د ملګرو ملتونو د پراختیایي پروګرام له استازو سره د نویو پراختیایي پروژو په اړه خبرې وکړې

۴ لړم ۱۴۰۵ هـ.ش
۱۴ جُمَادَى الأول ۱۴۴۸ هـ.ق
د پکتیکا ولایت د کرنې، اوبو لګولو او مالدارۍ ریاست رییس مولوي لعل محمد «ګوهر»، د ملګرو ملتونو د پراختیایي پروګرام «یوان‌ډي‌پي» له استازو، سید جوهر، نصرت الله او مصطفی هاشمي سره په خپل کاري دفتر کې وکتل.
په دې لیدنه کې د «یوان‌ډي‌پي» استازو په پکتیکا ولایت کې د خپلو روانو پروژو او نویو پراختیایي فعالیتونو په اړه معلومات وړاندې کړل. هغوی یادونه وکړه چې د یادو فعالیتونو په لړ کې په سربې ولسوالی کې د جلغوزیو د پروسس د یوه مرکز، په یحیی‌خیلو ولسوالی کې د مڼو د مربا د پروسس د یوه مرکز، په ښرنه ښار کې د لبنیاتو د پروسس د یوه مرکز، همدارنګه په ښرنه او اورګون ولسوالیو کې د دوو ـ دوو معیاري شنو خونو د جوړولو پلان لري.
د یادو پروژو د چارو د پیل لپاره د پکتیکا د کرنې ریاست له لوري اجازه ورکړل شوه. د «یوان‌ډي‌پي» استازو د پروژو په پلي کولو کې د کرنې ریاست له همغږۍ او همکارۍ څخه مننه وکړه.
د پکتیکا د کرنې ریاست رییس مولوي لعل محمد «ګوهر»، د «یوان‌ډي‌پي» استازو ته د ښه راغلاست ترڅنګ د یادو پروژو پر ارزښت ټینګار وکړ او غوښتنه یې وکړه، چې د پروسس مرکزونو د جوړولو چارې دې د ژمي او سختې یخنۍ له رارسېدو مخکې بشپړې شي، څو یاد مرکزونه د یخنۍ پر وړاندې خوندي او د فعالیت لپاره چمتو شي.
نوموړي همدارنګه له یادې ادارې وغوښتل، چې د پکتیکا ولایت د خلکو د اړتیاوو د پوره کولو، د کرنیزو محصولاتو د پروسس او د کروندګرو د اقتصادي ودې په موخه دې نورې پراختیایي پروژې هم پکتیکا ولایت ته راجلب کړي.
په پای کې، د پکتیکا د کرنې رییس د یادو پروژو د پلي کېدو په برخه کې کې د هر ډول همکارۍ او همغږۍ ډاډ څرګند کړ.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت