د پکتیکا دکرنې ریاست: د خوړو په بدل کې د کانالونو، ویالو او چینو پاکولو پروژې پلي کېږي
۲۶ لېندۍ ۱۴۰۱ه.ش
۲۳ جمادي اﻷول ۱۴۴۴ ه.ق
د پکتیکا دکرنې، اوبولګولو او مالدارۍ ریاست وایي، چې د «او،آر،ډي» مؤسسې په همکارۍ د کار په بدل کې د خوړو پروګرام له لارې ددې ولایت یوشمېر کانالونه، ویالي، چکډمنه، چینې او سړکونه رغول کېږي.
د چارواکو په خبره ددې پروژې د پلي کولو په پار پر اړوندو کسانو کاري توکي وېشل شوي دي، چې په ترڅ کې یې د پکتیکا په مرکز شرنه، ارګون، زېړوک، سروضې، یوسف خېل، یحی خېل، خېرکوټ او جاني خيلو ولسوالیو کې هغه کانالونه، ویالې، چک ډمونه، چینې او سړکونه چې ترخریب شوي دي بیارغول کېږي.
ددې پروګرام موخه د اوبو د ضایعاتو مخنوی او مدیریت ترڅنګ بېوزله کورنیو ته دکار زمینه برابرول دي.
