د پنجشېر د «رخ» کلی د اوبولګولو کانال د رغولو هوکړه لاسلیک شو
۳۱ غبرګولی ۱۴۰۰
د کرنې، اوبولګولو او مالدارۍ وزارت د کرنې او خوړو خوندیتوب بېړنۍ پروژې «EATS» چارواکو او د پنجشېر ولایت د لومړی حصې ولسوالۍ یا خنج له پنځو پراختیایي شوراګانو سره د «رخ» کلی د اوبولګولو کانال د رغولو هوکړه لاسلیک شو.
ددې کانال اوږدوالی به ۹۲۰ متره وي، چې په جوړېدو سره به یې د «رخ» کلی ټول کرنیزې ځمکې به د خړوبولو تر پوښښ لاندې راشي.
د کرنې او خوړو خودیتوب بېړنۍ پروژه «EATS» د کرنې وزارت له مهمو پروژو څخه دی، چې د نړیوال بانک او د افغانستان د بیارغونې صندوق له خوا تمویلېږي.
ددې پروژې موخه، د خوړو ځنځیري ارزښت څخه ملاتړ، د کرونا وبا د منفي اغېزو ټیټول او لنډمهال اقتصادي فرصتونه ایجادول دي.
