د هلمند کرنې ریاست د زرګونو طبیعي بوټو کرلو بهیر پیل کړ
۳ لېندۍ ۱۴۰۳ه.ش
۲۱ جُمَادَى الأول ۱۴۴۶ه.ق
د هلمند ولایت کرنې ریاست د طبیعي سرچینو آمریت اړوند د څړځایونو مدیریت بولان مرکزي قوریه کې ۲۰۰ زره نیالګي لکه غز، اوښملغې او شین غزۍ قلمې په ۱۰ جریبه ځمکه کې کرلو ته چمتو کړل.
د پلان له مخې به یاد نیالګي د ۱۴۰۴ کال په اوږدو کې د ریګستان سیمې ته انتقال او وکرل شي، څو د هوا بدلون، د سحرا ساتنې او ریګ روان د مخنیوي لپاره ګټور تمام شي.
د دې پروژې په عملي کېدو سره به د ریګستانونو په سرسبزۍ کې پرمختګ راشي، د خاورو تخریب به کم شي، او د ځایي مالدارانو اقتصادي وضعیت به ښه شي.
