د هلمند ولایت د کرنې رییس په مشرۍ د مسؤلینو ترمنځ د همغږۍ غونډه دائره شوه
۶ لړم ۱۴۰۲ه.ش
۱۳ ربیعالثاني ۱۴۴۵ ه.ق
د هلمند ولایت د کرنې، اوبولګولو او مالدارۍ ریاست رییس الحاج مولوي نظرمحمد صدیقي په مشرۍ ددې ادارې د آمرینو او د کرنې د برخې متخصصینو سره د همغږۍ غونډه دائره شوه.
په یاده غونډه کې دهلمند ولایت د کرنیزو چارو آمر مولوي محمد شریف احسان، دځمکو د تنظیم آمر مولوي زین الله زاهد، د مالدارۍ او حیواني روغتیا آمر مولوي محمدعمر، د طبیعي سرچینو آمر قاري دین محمد مغفور، د اصلاح شویو تخمونو تصدیق ورکولو آمر حافظ هدایت الله هدایت، د کرنې د برخې متخصص ماسټر جان آغا بشیري او یو شمېر نورو کارکوونکو هم حضور درلود.
په دې غونډه کې د هلمند ولایت د کرنې ریاست پر لاسته راوړنو، ستونزو او غوښتنو مفصلې خبرې وشوې او د چارو د بهبود او نوښت په موخه ګډونوال خپل نظرونه شریک کړل.
همدارنګه د کرنې برخې د متخصص لخوا د یولړ مهمو موضوعاتو په اړه توضیحي معلومات وړاندې شول او له مسؤلینو یې د همکارۍ غوښتنه وکړه.
دهلمند د کرنې رییس اړوندو چارواکو ته سپارښتنې وکړې ترڅو د مرکز او ولسوالیو په کچه په کاري بهیر کې مهمې لاسته راوړنې، ستونزې او غوښتنې پر وخت شریک کړي تر څو حل لارې ورته ولټول شي او پر وخت ورته رسیدنه وشي.
هغه همدارنګه د اړونده مؤسساتو د فعالیتونو پر شفافیت او نظارت ټینګار وکړ ترڅو بزګرو او بڼوالو ته لا ښه خدمات وړاندې شي.
نوموړي همدارنګه د ځمکو، مالدارۍ، کرنیزو چارو او بېلابېلو برخو مسؤلینو ته یو لړ مهمې سپارښتنې وکړې.
