د هلمند مارجه کې پر زرو بزګرانو د غنمو اصلاح شوي تخمونه وېشل کېږی
دهلمند ولایت د کرنې، اوبولګولو او مالدارۍ ریاست لخوا، مارجې ولسوالی کې ١٠٠٠ بزګرانو ته دغنمو اصلاح شويو تخمونو وېشلو په موخه د مستحقینو د انتخاب سروې ترسره شوه.
د هلمند ولایت مارجې ولسوالی کې د هلمند د کرنې، اوبولګولو او مالدارۍ ریاست په همکارۍ او د بشري خیریه موسسې په مالي ملاتړ د ١٠٠٠ تنو بزګرانو سروې چارې بشپړ شوې ترڅو راتلونکي کې ورته د غنمو اصلاح شوي تخمونه ووېشل شي.
د سروې دغه چارې د ګډې کمیټې لخوا په شفاف ډول پای ته رسیدلي دی، چې په تعقیب به یې هر بزګر ته د اړتیا وړ د غنمو اصلاح شوي تخمونه ورکړل شي.
د دې پروسې موخه په دې ولسوالی کي د بزګرانو ملاتړ ده، چې پر مټ به یې ځمکوال وکولای شي له خپلو ځمکو څخه لوړ حاصلات ترلاسه کړي.
