د هلمند دکرنې رياست: نادعلي کې پر ۵۰۰ بزګرانو د سبو تخمونو د وېش په پار سروې وشوه
۱۶ وری ۱۴۰۲ه.ش
۱۴ رَمَضانُ المُبارَک ۱۴۴۴ ه.ق
د هلمند ولایت د کرنې، اوبولګولو او مالدارۍ ریاست لخوا په نادعلي ولسوالی کې ٥٠٠ بزګرو ته د سبو اصلاح شوي تخونه وېشل کېږي.
په همدې موخه په یاده ولسوالی کې د مستحقو بزګرو سروې چارې ترسره شوه، چې وروسته به ورته د اړتیا وړ سبو تخمونه هم ووېشل شي.
په دې پروسه کې به هر بزګر ته د پیازو، شلغمو، روميانو، بانجڼو، کدو، بینډیو او ګلپي تخمونه وویشل شي چې د ټولو تخمونو مقدار به ٤١٠ کیلو ګرامه وي.
ددې تر څنګ به یادو بزګرو ته ځینې کرنیز توکي لکه بیلچې، پول کش او تیشې هم ووېشل شي.
ددې پروسې موخه په دې ولسوالی کې د بزګرو ملاتړ او حمایه ده چې پر مټ به یې ځمکوال وکولای شي چې له خپلو ځمکو څخه لوړ حاصلات ترلاسه کړي.
