د نورستان ولایت د کرنې ریاست اداري غونډه ترسره شوه
۷ سلواغه ۱۴۰۳ھ.ش
۲۶ رَجَب المُرَجَّب ۱۴۴۶ه.ق
د نورستان ولایت د کرنې، اوبو لګولو او مالدارۍ ریاست د اداري چارو د تنظیم په موخه غونډه ترسره شوه. یاده غونډه د ریاست د رییس مولوی عبدالرؤف سعید په مشرۍ د دې ریاست د آمرینو او مدیرانو په ګډون ترسره شوه.
په غونډه کې د ریاست ټولو کارمندانو ته د امیرالمؤمنین شیخ صاحب د فرمانونو د عملي کولو په اړه لازمې لارښوونې وشوې. همدارنګه د اداري چارو د ښه او پر وخت ترسره کولو، د مراجعینو سره د ښه سلوک او چلند په اړه سپارښتنې وشوې، ترڅو د خدمتونو وړاندې کولو کچه نوره هم لوړه شي.
د کرنې رییس ټینګار وکړ، چې ټول کارمندان باید خپلې دندې په مسؤلانه توګه ترسره کړي او د خلکو اړتیاوو ته په شفاف او اغېزمن ډول ځواب ووايي.
