د ننګرهار کانال کې د غنمو اصلاح شویو تخمونو کرکېله
۲۸ لړم ۱۴۰۱ه.ش
۲۴ ربیعالثاني ۱۴۴۴ ه.ق
د ننګرهار دکانال ریاست چارواکي وایي، چې ددې ریاست اړوند د درېیم فارم اړوند په ۲۰۰ جریبه ځمکه کې د غنمو د اصلاح شویو تخمونو د کرکیلې چارې پیل شوي دي.
د چارواکو په خبره د ننګرهار کانال رياست او د هلال هډه وال کرنيز شرکت ترمنځ د شوي پرتوکول له مخې به د کانال ادارې 400 جريبه ځمکه (لومړي او درېيم فارم )کې د غنمو اصلاح شوي تخمونه وکرل شي، چې د درېیم فارم په ۲۰۰ جریبه ځمکه کې یې د کرکېلي چارې پیل شوي دي.
ددغو اصلاح شویو غنمو په کرکیلې سره به د ننګرهار کانال رياست مالدارۍ امريت شته غواګانو ته به د بوسو ، ټانټو او خوراك برخې اړتیاوې پوره او ترڅنګ یې د ددې فارم د غنمو حاصلات به هم ورسره ډېر شي.
