د ننګرهار وادي کرنیز شرکت: په هډې فارم ثمرخېلو قوریه کې د پالونیا قلمو روزنه بریالۍ پایله ورکړه

۱۳ زمری ۱۴۰۴ هـ.ش
۱۰ صَفَر المُظَفَّر ۱۴۴۷ هـ.ق
د ننګرهار وادي کرنیز شرکت د پالونیا ونو د ودې او پراخ ترویج په موخه یو مهم عملي او علمي ګام پورته کړی، چې د هډې فارم ثمرخېلو قوریه کې د پالونیا قلمو روزنې تجربه یې د بریالیتوب ښکارندویي کوي.
یاد شرکت د خپلو څلورو فارمونو په کچه د پالونیا ونو د نیالګیو وده ارزولې او پایلې یې د خوښۍ وړ بللې دي. د علمي او تخنیکي تجربو د پراختیا لپاره، د ثمرخېلو قوریې په چوکاټ کې د پالونیا د ونو هغه قلمې، چې له رېښو څخه اخیستل شوې وې، په ازمایښتي ډول په ۱۶ پلاستيکي کڅوړو کې کرل شوې دي. دا قلمې تر لازمې روزنې لاندې نیول شوې او د ابتدایي ارزونې له مخې پایله یې مثبته ثابته شوې ده.
پالونیا د چټکې ودې، اقلیمي انطباق، خاورې د حاصلخېزۍ، او اقتصادي ارزښت له امله یوه له هغو مهمو ونو څخه ګڼل کېږي، چې کولی شي په زرغونتیا، چاپېریالي توازن، دوامداره کرنه او اقتصادي پراختیا کې ارزښتناک رول ولوبوي.
د ننګرهار وادي کرنیز شرکت ژمن دی، چې د پالونیا د لا زیات ترویج، تولید او کرنیزو سیمو ته د انتقال په برخه کې خپلې هڅې لا پراخې کړي، تر څو د یادو بوټو څخه اغېزمنه استفاده وشي.